Knowledge is good only if it is shared.

Sunday, June 8, 2014

இன்ஜினியர்ஸ்..!

          ரு காலத்தில் கனவுப் படிப்பாக இருந்தது. சீட் கிடைப்பதே பெரும்பாடு. நுழைவுத் தேர்வு எழுதி பன்னிரெண்டாம் வகுப்பின் கட் ஆப் மார்க் எல்லாம் பார்த்து தான் இன்ஜினியரிங் சேரமுடியும். இப்போதெல்லாம் எல்.கே.ஜி அட்மிசனைவிட எளிதாய்க் கிடைக்கிறது இன்ஜினியரிங் அட்மிசன். குன்றிருக்கும் இடெமெல்லாம் குமரனிருந்தது அந்தக் காலம். இப்போதெல்லாம் ஒரு பக்கம் கல் குவாரிகளும் மறு பக்கம் அடிவாரத்தில் இன்ஜினியரிங் கல்லூரிகளும் இருக்கின்றன. யார் கண்டது இரண்டுக்கும் ஒரே கல்வித் தந்தையே ஓனராக இருக்கலாம். குமரி மாவட்டத்தில் கிட்டத்தட்ட 30 இன்ஜினியரிங் கல்லூரிகள். உண்மையிலேயே இவ்வளவு தேவையா? விடை யாருக்கும் தெரியாது.
யார் யாரோ பணம் சம்பாதிக்க அடித்தட்டு மக்களின் இன்ஜினியரிங் கனவு மோகம் பலியாகிறது. கஷ்டப்பட்டு உழைக்கும் பணம் அட்மிசன் பீஸ், பஸ் பீஸ், ஹாஸ்டல் பீஸ், மெஸ் பீஸ் மற்றும் இத்யாதி இத்யாதி பீஸ்கள். சரி பணம் தான் வாங்குகிறார்கள் இவர்கள் வழங்கும் கல்வித்தரம் எப்படி இருக்கிறது?
இந்த அட்டவணையைப் பாருங்கள். அண்ணாப் பல்கலைக்கழகத்தின் தேர்ச்சி அட்டவணை மற்றும் தர வரிசை. (குமரி மாவட்டம்)




(படத்தின் மீது 'க்ளிக்கி' பெரியதாக்கிப் பார்த்துக் கொள்ளவும்.)
     
        சரி, அரசு இன்ஜினியரிங் படிப்பதற்கான கல்வித்தகுதி என எதை வரையறை செய்துள்ளது? விவரம் கீழே..


                          கழுதை தேய்ந்து கட்டெரும்பு ஆன கதையாகிவிட்டது. எண்ட்ரன்ஸ் எல்லாம் தேவையில்லை. இப்படியே போனால் 17 வயது பூர்த்தியடைந்த இந்தியக் குடிமகன் அனைவரும் இன்ஜினியர்ஸ் ஆக இருக்கும் காலம் தொலைவில் இல்லை.

சரி, யார்தான் இன்ஜினியரிங் படிக்கலாம்?
                       
                   பன்னிரெண்டாம் வகுப்பில் தமிழ் ஆங்கிலம் தவிர்த்த மற்றப் பாடங்களில் 80% மதிப்பெண் பெற்றவர்கள் தாராளமாய்ப் படிக்கலாம். மற்றவர்கள், பணத்தைப் பாழாக்கும் எண்ணம் இருந்தாலும் படிக்கலாம். அது மட்டுமல்ல இன்ஜினியரிங் சேர்ந்த பின்னர் முதல் செம்ஸ்டர் முதல் கடைசி செமஸ்டர் வரை அரியர் எதுவும் வைக்காமல் 80% மதிப்பெண் பெற்றால் ஏதாவது ஒரு வேலை கிடைக்கலாம். அரியர் வைத்துவிட்டு கடைசி செமஸ்டரில் பாஸாகலாம் என கனவு காண்பவர்கள் தயவு செய்து அதிக கற்பனைக் கனவு காண வேண்டாம். வேலை கிடைப்பதற்கான வாய்ப்பு மிக மிக குறைவு. இன்ஜினியரிங் முடித்துவிட்டு 'லோலோ' என அலையும் பலரை உங்களுக்குத் தெரியுமா என எனக்குத் தெரியாது. ஆனால் நான் அடிக்கடி அப்படிப்பட்டவர்களை சந்திக்கிறேன். இன்ஜினியரிங் முடித்துவிட்டு ஒயரிங் வேலைக்குச் செல்லும் பலரையும் பார்த்திருக்கிறேன். ஏன் இந்த நிலைமை? ஒரே பதில் தான். சரியாகப் படிக்கவில்லை. சரி, ஏன் சரியாகப் படிக்கவில்லை. இதற்கும் ஒரே பதில்தான்.. இன்ஜினியரிங் படிக்கும் அளவிற்கு அறிவு இல்லை. ஏகப்பட்ட அரியர்ஸ்...கடைசி இரண்டு செமஸ்டரில் எப்படியோ பார்டரில் பாஸாகிவிட்டு டிகிரி இருகிறது என்பதற்காகவே வேலை கேட்டால் யார்தான் கொடுப்பார்கள். (ஆனால் எங்கள் காலத்தில் கொடுத்தார்கள், எனக்கும் அப்படித்தான் கிடைத்தது). ஒரு குடும்பத்தின் ஒட்டு மொத்தக் கனவையும் தொலைத்துவிட்டு பெற்றோர் பணத்தை கல்வித் தந்தையிடம் கொடுத்துவிட்டு கஷ்டப்படுகிறார்கள். கொடுமை என்னவெனில் இன்னமும் தனது தவறை உணராமல் ''டிமாண்ட் Vs சப்ளை'' தெரியாமல் மாரடிக்கின்றனர். ஊதுகிற சங்கை ஊதியாகிவிட்டது. முடிவெடுக்க வேண்டியது நீங்கள்தான்.

2 comments:

பாலகிருஷ்ணன் said...

அனுபவப் பகிர்வு அருமை

பாலா.R ( BALA.R ) said...

வருகைக்கும் கருத்திற்கும் நன்றி சார்.

எஞ்சினியர்ஸ்.

                      ஒ ரு காலத்தில் கனவுப் படிப்பாக இருந்தது. சீட் கிடைப்பதே பெரும்பாடு. நுழைவுத் தேர்வு எழுதி பன்னிரெண்டாம் வகுப்பின் கட்...